Hikayat Aceh | Apa Kaoy – Haba Meupanton

POLEM: Hai, Dolah. Ka boh kupi bagah. Bek teungoh kamoe meupanton eunteuk ka gabuek Kah jak teumanyong.

Aneuk leuk kutru euncong u gadeng.

Aneuk peureuleng euncong bak bangka.

Baroekon meunoe jinoe meula’en.

Jingieng ho la’en jipaleng muka.

APA DOLAH: Alah hom hai, di Gata ka meu la’en di Lon hana Lon harap.

DOLAH: Droeneuh Apa Dolah peu ie Lon boh.

APA DOLAH: Pue nyang galak kabh aju.Teungoh kamoe maepanton ka teumanyong, bunoe han ka tanyong.

NEK DIN:

Aneuk bue itam pajoh boh maken

Aneuk peureuleng pajoh boh jempa

Bukon keuh Lon nyo jino meupaleng

Tapih di polem la’en neumita…

APA KAOY:

Bineh bak bangka ji timoh bungeng

Bineh lampoh weng na lampoh saka

Bek neu weuh hate wahe e polem

Mantong le la’en rakan seutia

NEK DIN:

Pula jambe ie timoh jambe kleng

Tapula bak rheng timoh bak sala

Kon salah uLon mata teuh juleng

Salah di polem gadoh ngon janda…..hhhhh

APA KAOY:

Ta pula kuyuen timoh bak maken

Ta pula bak rheng timoh bak bangka

Padahai nek din mata geuh juleng

Nyan keujeut polem salah keunira

PANG KAWOM:

Dicong bak meurak jikeuprak tiong

Dicong bak murong meulot cempala

Dilee dengon gob jinoe ka ngon Long

Bek neu meuranggong hai Polem muda

APA KAOY: Hai, Dolah. Pue ka sangak mantong hinoe. Mana kopi untuk saya?

DOLAH: Siap, Apa Kaoy. Teungoh ji peu udep kompor ilee. Neu saba siat.